16 ਸਤੰਬਰ ਨੂੰ ਭਾਰਤ ’ਚ ਲਾਂਚ ਹੋਵੇਗਾ Oppo K14 Lite, 7,000mAh ਬੈਟਰੀ ਨਾਲ ਆਵੇਗਾ ਫੋਨ

13/09/2026 | Public Times Bureau | Panjab

Oppo ਭਾਰਤ ਵਿੱਚ ਆਪਣਾ ਨਵਾਂ ਬਜਟ ਸਮਾਰਟਫੋਨ Oppo K14 Lite 16 ਸਤੰਬਰ ਨੂੰ ਲਾਂਚ ਕਰਨ ਜਾ ਰਿਹਾ ਹੈ। ਕੰਪਨੀ ਨੇ ਫੋਨ ਦੀ ਲਾਂਚ ਡੇਟ ਦੀ ਪੁਸ਼ਟੀ ਕਰ ਦਿੱਤੀ ਹੈ। ਇਸ ਫੋਨ ਦੀ ਸਭ ਤੋਂ ਵੱਡੀ ਖਾਸੀਅਤ ਇਸ ਦੀ 7,000mAh ਦੀ ਵੱਡੀ ਬੈਟਰੀ ਹੋਵੇਗੀ। ਰਿਪੋਰਟਾਂ ਮੁਤਾਬਕ ਇਸ ਦੀ ਕੀਮਤ 20 ਹਜ਼ਾਰ ਰੁਪਏ ਤੋਂ ਘੱਟ ਰਹਿ ਸਕਦੀ ਹੈ। Oppo K14 Lite ਲਈ Flipkart ’ਤੇ ਡੈਡੀਕੇਟਿਡ ਮਾਈਕ੍ਰੋਸਾਈਟ ਵੀ ਲਾਈਵ ਹੋ ਗਈ ਹੈ। ਲਾਂਚ ਤੋਂ ਬਾਅਦ ਫੋਨ Oppo ਦੀ ਵੈੱਬਸਾਈਟ, Flipkart ਅਤੇ ਹੋਰ ਰਿਟੇਲ ਸਟੋਰਾਂ ਰਾਹੀਂ ਵਿਕਰੀ ਲਈ ਉਪਲਬਧ ਹੋ ਸਕਦਾ ਹੈ।

ਰਿਪੋਰਟਾਂ ਮੁਤਾਬਕ ਫੋਨ ਵਿੱਚ 6.75 ਇੰਚ ਦੀ LCD ਡਿਸਪਲੇਅ ਦਿੱਤੀ ਜਾ ਸਕਦੀ ਹੈ, ਜੋ 120Hz ਰਿਫ੍ਰੈਸ਼ ਰੇਟ ਨੂੰ ਸਪੋਰਟ ਕਰੇਗੀ। ਪਰਫਾਰਮੈਂਸ ਲਈ ਇਸ ਵਿੱਚ Unisoc T7250 ਆਕਟਾ-ਕੋਰ ਪ੍ਰੋਸੈਸਰ ਦਿੱਤਾ ਜਾ ਸਕਦਾ ਹੈ। ਇਸ ਦੇ ਨਾਲ 4GB RAM ਅਤੇ 64GB ਤੱਕ ਦੀ ਇੰਟਰਨਲ ਸਟੋਰੇਜ ਮਿਲਣ ਦੀ ਉਮੀਦ ਹੈ। Oppo ਨੇ ਪੁਸ਼ਟੀ ਕੀਤੀ ਹੈ ਕਿ ਫੋਨ ਵਿੱਚ 7,000mAh ਦੀ ਬੈਟਰੀ ਹੋਵੇਗੀ। ਰਿਪੋਰਟਾਂ ਮੁਤਾਬਕ ਇਹ 15W ਫਾਸਟ ਚਾਰਜਿੰਗ ਦੇ ਨਾਲ ਰਿਵਰਸ ਵਾਇਰਡ ਚਾਰਜਿੰਗ ਨੂੰ ਵੀ ਸਪੋਰਟ ਕਰ ਸਕਦੀ ਹੈ। ਵੱਡੀ ਬੈਟਰੀ ਕਾਰਨ ਫੋਨ ਲੰਬੀ ਬੈਟਰੀ ਲਾਈਫ ਦੀ ਤਲਾਸ਼ ਕਰਨ ਵਾਲੇ ਯੂਜ਼ਰਾਂ ਲਈ ਆਕਰਸ਼ਕ ਵਿਕਲਪ ਬਣ ਸਕਦਾ ਹੈ।

ਕੈਮਰੇ ਦੀ ਗੱਲ ਕਰੀਏ ਤਾਂ ਫੋਨ ਦੇ ਪਿਛਲੇ ਪਾਸੇ ਡਿਊਲ ਕੈਮਰਾ ਸੈਟਅਪ ਮਿਲੇਗਾ। ਰਿਪੋਰਟਾਂ ਮੁਤਾਬਕ ਇਸ ਵਿੱਚ 13MP ਦਾ ਪ੍ਰਾਈਮਰੀ ਕੈਮਰਾ ਅਤੇ ਡੈਪਥ ਸੈਂਸਰ ਦਿੱਤਾ ਜਾ ਸਕਦਾ ਹੈ। ਸੈਲਫੀ ਅਤੇ ਵੀਡੀਓ ਕਾਲਿੰਗ ਲਈ 8MP ਫਰੰਟ ਕੈਮਰਾ ਮਿਲਣ ਦੀ ਉਮੀਦ ਹੈ। ਸਾਫਟਵੇਅਰ ਦੇ ਤੌਰ ’ਤੇ Oppo K14 Lite ਵਿੱਚ Android 16 ’ਤੇ ਆਧਾਰਿਤ ColorOS 16 ਦਿੱਤਾ ਜਾ ਸਕਦਾ ਹੈ। ਇਸ ਤੋਂ ਇਲਾਵਾ ਫੋਨ ਵਿੱਚ IP64 ਰੇਟਿੰਗ ਮਿਲਣ ਦੀ ਵੀ ਉਮੀਦ ਹੈ, ਜੋ ਇਸ ਨੂੰ ਧੂੜ ਅਤੇ ਪਾਣੀ ਤੋਂ ਕੁਝ ਹੱਦ ਤੱਕ ਸੁਰੱਖਿਆ ਦੇਵੇਗੀ। ਫੋਨ ਦੀ ਸਹੀ ਕੀਮਤ ਅਤੇ ਬਾਕੀ ਸਪੈਸੀਫਿਕੇਸ਼ਨ ਦੀ ਪੂਰੀ ਜਾਣਕਾਰੀ 16 ਸਤੰਬਰ ਨੂੰ ਲਾਂਚ ਦੌਰਾਨ ਸਾਹਮਣੇ ਆਵੇਗੀ।

Oppo K14 Lite To Launch In India On September 16 Phone Will Come With A 7 000mah Battery