ਹਵਾ ’ਚ ਫਾਇਰਿੰਗ ਦੀ ਵੀਡੀਓ ਵਾਇਰਲ ਕਰਨ ’ਤੇ ਪੰਜਾਬੀ ਗਾਇਕ ਵਿੱਕੀ ਤਾਲੀਬਾਨ ਗ੍ਰਿਫ਼ਤਾਰ

09/09/2026 | Public Times Bureau | Panjab

ਪੰਜਾਬੀ ਗਾਇਕ ਵਿੱਕੀ ਤਾਲੀਬਾਨ ਉਰਫ਼ ਬਿਕਰਮਜੀਤ ਸਿੰਘ ਨੂੰ ਹਵਾ ’ਚ ਫਾਇਰਿੰਗ ਕਰਕੇ ਉਸ ਦੀ ਵੀਡੀਓ ਸੋਸ਼ਲ ਮੀਡੀਆ ’ਤੇ ਪੋਸਟ ਕਰਨ ਦੇ ਮਾਮਲੇ ’ਚ ਖੰਨਾ ਪੁਲਿਸ ਨੇ ਗ੍ਰਿਫ਼ਤਾਰ ਕੀਤਾ ਹੈ। ਪੁਲਿਸ ਮੁਤਾਬਕ ਗਾਇਕ ਨੇ ਇੱਕ ਦੋਸਤ ਦੀ ਲਾਇਸੈਂਸੀ ਪਿਸਤੌਲ ਨਾਲ ਖੇਤਾਂ ’ਚ ਹਵਾਈ ਫਾਇਰਿੰਗ ਕੀਤੀ ਅਤੇ ਇਸ ਦੀ ਵੀਡੀਓ ਆਪਣੇ ਵ੍ਹਾਟਸਐਪ ਸਟੇਟਸ ’ਤੇ ਪੋਸਟ ਕੀਤੀ ਸੀ। ਵੀਡੀਓ ਪੁਲਿਸ ਦੇ ਧਿਆਨ ’ਚ ਆਉਣ ਤੋਂ ਬਾਅਦ ਮਾਛੀਵਾੜਾ ਸਾਹਿਬ ਥਾਣੇ ’ਚ ਵਿੱਕੀ ਤਾਲੀਬਾਨ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ ਗਿਆ।

ਇਸ ਤੋਂ ਬਾਅਦ ਪੁਲਿਸ ਨੇ ਪਿੰਡ ਬਹਿਲੋਲਪੁਰ ਵਾਸੀ ਗਾਇਕ ਨੂੰ ਗ੍ਰਿਫ਼ਤਾਰ ਕਰ ਲਿਆ। ਪੁਲਿਸ ਜਾਂਚ ’ਚ ਸਾਹਮਣੇ ਆਇਆ ਹੈ ਕਿ ਕਥਿਤ ਫਾਇਰਿੰਗ ਬਟਾਲਾ, ਗੁਰਦਾਸਪੁਰ ’ਚ ਕੀਤੀ ਗਈ ਸੀ, ਜਦਕਿ ਵੀਡੀਓ ਬਾਅਦ ’ਚ ਪਿੰਡ ਬਹਿਲੋਲਪੁਰ ’ਚ ਵ੍ਹਾਟਸਐਪ ਸਟੇਟਸ ’ਤੇ ਪੋਸਟ ਕੀਤੀ ਗਈ। ਪੁਲਿਸ ਹੁਣ ਫਾਇਰਿੰਗ ਵਾਲੀ ਥਾਂ, ਵੀਡੀਓ ਅਤੇ ਵਰਤੇ ਗਏ ਹਥਿਆਰ ਸਬੰਧੀ ਹੋਰ ਤੱਥਾਂ ਦੀ ਜਾਂਚ ਕਰ ਰਹੀ ਹੈ।

Punjabi Singer Vicky Taliban Arrested For Making A Video Of Aerial Firing Go Viral