Apple ਦੀ ਕਮਾਨ ਸੰਭਾਲਣਗੇ ਜੌਨ ਟਰਨਸ, ਟਿਮ ਕੁੱਕ ਬਣਨਗੇ ਐਗਜ਼ੀਕਿਊਟਿਵ ਚੇਅਰਮੈਨ

31/08/2026 | Public Times Bureau | World

ਐਪਲ ਵਿੱਚ ਅੱਜ ਵੱਡਾ ਲੀਡਰਸ਼ਿਪ ਬਦਲਾਅ ਹੋਣ ਜਾ ਰਿਹਾ ਹੈ। ਕਰੀਬ 15 ਸਾਲਾਂ ਤੱਕ ਕੰਪਨੀ ਦੀ ਅਗਵਾਈ ਕਰਨ ਤੋਂ ਬਾਅਦ ਟਿਮ ਕੁੱਕ CEO ਦੇ ਅਹੁਦੇ ਤੋਂ ਹਟ ਰਹੇ ਹਨ। ਉਨ੍ਹਾਂ ਦੀ ਥਾਂ ਜੌਨ ਟਰਨਸ 1 ਸਤੰਬਰ ਤੋਂ ਐਪਲ ਦੇ ਨਵੇਂ CEO ਵਜੋਂ ਕਮਾਨ ਸੰਭਾਲਣਗੇ। ਟਿਮ ਕੁੱਕ ਕੰਪਨੀ ਦੇ ਐਗਜ਼ੀਕਿਊਟਿਵ ਚੇਅਰਮੈਨ ਵਜੋਂ ਆਪਣੀ ਭੂਮਿਕਾ ਜਾਰੀ ਰੱਖਣਗੇ।

ਕੁੱਕ ਨੇ ਅਗਸਤ 2011 ਵਿੱਚ ਸਟੀਵ ਜੌਬਸ ਤੋਂ ਬਾਅਦ ਐਪਲ ਦੀ ਜ਼ਿੰਮੇਵਾਰੀ ਸੰਭਾਲੀ ਸੀ। ਉਨ੍ਹਾਂ ਦੇ ਕਾਰਜਕਾਲ ਦੌਰਾਨ ਐਪਲ ਨੇ ਹਾਰਡਵੇਅਰ ਤੋਂ ਅੱਗੇ ਵਧਦਿਆਂ ਸਰਵਿਸਿਜ਼ ਕਾਰੋਬਾਰ ਨੂੰ ਵੀ ਮਜ਼ਬੂਤ ਕੀਤਾ। ਐਪਲ ਮਿਊਜ਼ਿਕ, ਐਪਲ ਪੇਅ ਅਤੇ ਹੋਰ ਸੇਵਾਵਾਂ ਕੰਪਨੀ ਦੀ ਆਮਦਨ ਦੇ ਮਹੱਤਵਪੂਰਨ ਸਰੋਤ ਬਣੀਆਂ।

ਕੁੱਕ ਦੇ ਦੌਰ ਵਿੱਚ ਐਪਲ ਵਾਚ ਅਤੇ ਏਅਰਪੌਡਸ ਵਰਗੇ ਉਤਪਾਦ ਵੀ ਬਾਜ਼ਾਰ ਵਿੱਚ ਆਏ। ਇਸ ਤੋਂ ਇਲਾਵਾ ਕੰਪਨੀ ਨੇ ਮੈਕ ਕੰਪਿਊਟਰਾਂ ਲਈ ਆਪਣੇ Apple Silicon ਚਿਪਸ ਵਿਕਸਿਤ ਕਰਕੇ ਇੰਟੇਲ ’ਤੇ ਨਿਰਭਰਤਾ ਘਟਾਈ। ਹੁਣ ਜੌਨ ਟਰਨਸ ਦੇ ਸਾਹਮਣੇ ਐਪਲ ਨੂੰ ਅਗਲੇ ਦੌਰ ਵਿੱਚ ਲਿਜਾਣ ਦੀ ਵੱਡੀ ਜ਼ਿੰਮੇਵਾਰੀ ਹੋਵੇਗੀ। ਖਾਸ ਤੌਰ ’ਤੇ ਆਰਟੀਫੀਸ਼ੀਅਲ ਇੰਟੈਲੀਜੈਂਸ (AI) ਦੇ ਤੇਜ਼ੀ ਨਾਲ ਬਦਲ ਰਹੇ ਖੇਤਰ ਵਿੱਚ ਐਪਲ ਦੀ ਰਣਨੀਤੀ ਨਵੇਂ CEO ਲਈ ਸਭ ਤੋਂ ਵੱਡੀਆਂ ਚੁਣੌਤੀਆਂ ਵਿੱਚੋਂ ਇੱਕ ਹੋਵੇਗੀ। ਟਰਨਸ ਇਸ ਤੋਂ ਪਹਿਲਾਂ ਐਪਲ ਦੇ ਹਾਰਡਵੇਅਰ ਇੰਜੀਨੀਅਰਿੰਗ ਵਿਭਾਗ ਦੀ ਅਗਵਾਈ ਕਰ ਰਹੇ ਸਨ।

John Ternus To Take The Helm At Apple Tim Cook To Become Executive Chairman