ਰਿਸ਼ਵਤ ਮਾਮਲੇ ’ਚ ਇੰਸਪੈਕਟਰ ਸੁਨੀਤਾ ਰਾਣੀ ਦੂਜੀ ਪੇਸ਼ੀ ਦੌਰਾਨ ਮੂੰਹ ਢੱਕ ਕੇ ਅਦਾਲਤ ਪਹੁੰਚੀ

30/09/2026 | Public Times Bureau | Panjab

ਰਿਸ਼ਵਤ ਦੇ ਦੋਸ਼ਾਂ ਦਾ ਸਾਹਮਣਾ ਕਰ ਰਹੀ ਮਹਿਲਾ ਪੁਲਿਸ ਇੰਸਪੈਕਟਰ ਸੁਨੀਤਾ ਰਾਣੀ ਨੂੰ ਵਿਜੀਲੈਂਸ ਅਧਿਕਾਰੀਆਂ ਨੇ ਮੋਗਾ ਅਦਾਲਤ ਵਿੱਚ ਦੂਜੀ ਪੇਸ਼ੀ ਲਈ ਪੇਸ਼ ਕੀਤਾ। ਇਸ ਦੌਰਾਨ ਉਸ ਦਾ ਚਿਹਰਾ ਢੱਕਿਆ ਹੋਇਆ ਸੀ ਅਤੇ ਵਿਜੀਲੈਂਸ ਟੀਮ ਉਸ ਨੂੰ ਮੀਡੀਆ ਤੋਂ ਦੂਰ ਰੱਖਦੀ ਨਜ਼ਰ ਆਈ।

ਅਦਾਲਤੀ ਕਾਰਵਾਈ ਪੂਰੀ ਹੋਣ ਤੋਂ ਬਾਅਦ ਵੀ ਇੰਸਪੈਕਟਰ ਨੂੰ ਕਰੀਬ ਇੱਕ ਘੰਟੇ ਤੱਕ ਅਦਾਲਤ ਦੇ ਕਮਰੇ ਵਿੱਚ ਰੱਖਿਆ ਗਿਆ। ਬਾਅਦ ਵਿੱਚ ਅਧਿਕਾਰੀ ਉਸ ਨੂੰ ਗੱਡੀ ਵੱਲ ਲੈ ਕੇ ਗਏ। ਇਸ ਦੌਰਾਨ ਪੱਤਰਕਾਰਾਂ ਨੇ ਉਸ ਤੋਂ ਮਾਮਲੇ ਸਬੰਧੀ ਸਵਾਲ ਕੀਤੇ, ਪਰ ਉਸ ਨੇ ਕੋਈ ਜਵਾਬ ਨਹੀਂ ਦਿੱਤਾ।
ਪਹਿਲੀ ਪੇਸ਼ੀ ਦੌਰਾਨ ਮੀਡੀਆ ਵੱਲੋਂ ਸਵਾਲ ਕੀਤੇ ਜਾਣ ’ਤੇ ਸੁਨੀਤਾ ਰਾਣੀ ਨੇ ‘ਆਲ ਇਜ਼ ਵੈੱਲ’ ਕਿਹਾ ਸੀ। ਦੂਜੀ ਪੇਸ਼ੀ ਮੌਕੇ ਹਾਲਾਂਕਿ ਉਸ ਨੇ ਪੱਤਰਕਾਰਾਂ ਦੇ ਸਵਾਲਾਂ ’ਤੇ ਕੋਈ ਪ੍ਰਤੀਕਿਰਿਆ ਨਹੀਂ ਦਿੱਤੀ। ਮਾਮਲੇ ਵਿੱਚ ਵਿਜੀਲੈਂਸ ਵੱਲੋਂ ਜਾਂਚ ਕੀਤੀ ਜਾ ਰਹੀ ਹੈ ਅਤੇ ਇੰਸਪੈਕਟਰ ਖ਼ਿਲਾਫ਼ ਲੱਗੇ ਦੋਸ਼ਾਂ ’ਤੇ ਅੰਤਿਮ ਫੈਸਲਾ ਅਦਾਲਤੀ ਕਾਰਵਾਈ ਤੋਂ ਬਾਅਦ ਹੋਵੇਗਾ।

Inspector Sunita Rani Arrived At The Court With Her Face Covered During Her Second Appearance In The Bribery Case