ਫਿਲੌਰ ਹਾਈਵੇ 'ਤੇ ਹਾਦਸਾ: ਕਾਰ ਅਤੇ ਬਾਈਕ ਵਿਚਕਾਰ ਟਕਰ, ਚਾਲਕ ਗੰਭੀਰ ਜ਼ਖਮੀਆਂ ਨਾਲ ਹਸਪਤਾਲ ਦਾਖਲ
02/04/2026 | Public Times Bureau | Panjabਫਿਲੌਰ ਹਾਈਵੇ ਦੇ ਨਜ਼ਦੀਕ ਥਿੰਕ ਗੈਸ ਪੰਪ ਦੇ ਸਾਹਮਣੇ ਇੱਕ ਗੰਭੀਰ ਐਕਸੀਡੈਂਟ ਹੋਇਆ। ਹਾਦਸੇ ਦੀ ਸੂਚਨਾ ਮਿਲਦਿਆਂ ਐਸ ਐਸ ਐਫ ਟੀਮ ਦੇ ਇੰਚਾਰਜ, ਥਾਣੇਦਾਰ ਜਸਵਿੰਦਰ ਸਿੰਘ ਅਤੇ ਉਨ੍ਹਾਂ ਦੀ ਟੀਮ ਤੁਰੰਤ ਮੌਕੇ 'ਤੇ ਪਹੁੰਚੀ। ਜਿੱਥੇ ਉਨ੍ਹਾਂ ਦੇਖਿਆ ਕਿ ਇੱਕ ਕਾਰ ਜੋ ਕਿ ਥਿੰਕ ਗੈਸ ਪੰਪ ਤੋਂ ਗੈਸ ਪਵਾਉਣ ਜਾ ਰਹੀ ਸੀ, ਉਸਨੇ ਦੂਸਰੀ ਸਾਈਡ ਤੋਂ ਆ ਰਹੀ ਬਾਈਕ ਨਾਲ ਟਕਰਾ ਕਰ ਲਿਆ।
ਟਕਰ ਵਿਚ ਬਾਈਕ ਸਵਾਰ ਚਾਲਕ ਨੂੰ ਗੰਭੀਰ ਸੱਟਾਂ ਲੱਗੀਆਂ। ਸੜਕ ਸੁਰੱਖਿਆ ਫੋਰਸ ਦੀ ਟੀਮ ਨੇ ਜ਼ਖਮੀ ਨੂੰ ਤੁਰੰਤ ਫਸਟ ਏਡ ਦਿੱਤੀ ਅਤੇ ਉਸਨੂੰ ਹਸਪਤਾਲ ਲਈ ਜਲਦੀ ਨਾਲ ਭੇਜ ਦਿੱਤਾ। ਇਸ ਹਾਦਸੇ ਵਿੱਚ ਜ਼ਖਮੀ ਦੀ ਪਹਿਚਾਣ ਫੌਜਾਂ ਸਿੰਘ ਪੁੱਤਰ ਜੀਤ ਸਿੰਘ, ਪਿੰਡ ਪੰਦਰਵਾੜਾ, ਜ਼ਿਲ੍ਹਾ ਐਸ ਬੀ ਐਸ ਨਗਰ ਦੇ ਤੌਰ 'ਤੇ ਹੋਈ।
ਕਾਰ ਦੇ ਡਰਾਈਵਰ ਦੀ ਪਹਿਚਾਣ ਕੀਰਤ ਨਰਾਇਣ ਪੁੱਤਰ ਰਾਮ ਪਾਦਾਰਰਾਠ, ਨਿਊ ਬੇਅੰਤ ਨਗਰ, ਜਲੰਧਰ ਵਜੋਂ ਕੀਤੀ ਗਈ ਹੈ। ਥਾਣਾ ਫਿਲੌਰ ਦੇ ਮੁਨਸ਼ੀ ਨੂੰ ਇਸ ਹਾਦਸੇ ਬਾਰੇ ਸੂਚਿਤ ਕਰ ਦਿੱਤਾ ਗਿਆ ਹੈ, ਤਾਂ ਜੋ ਅਗਲੀ ਕਾਨੂੰਨੀ ਕਾਰਵਾਈ ਕੀਤੀ ਜਾ ਸਕੇ। ਹਾਦਸੇ ਦੀ ਜਾਂਚ ਸ਼ੁਰੂ ਕੀਤੀ ਗਈ ਹੈ ਅਤੇ ਇਸ ਨਾਲ ਸਬੰਧਿਤ ਅਗਲੀ ਕਾਰਵਾਈ ਜਲਦੀ ਕੀਤੀ ਜਾਏਗੀ।
Accident On Phillaur Highway Car And Bike Collide Driver Admitted To Hospital With Serious Injuries
RSS FEED