ਸੋਨੇ ਦੀ ਕੀਮਤ ’ਚ ਤੇਜ਼ੀ, ਚਾਂਦੀ ਹੋਈ ਸਸਤੀ; MCX ’ਤੇ ਦੋਵਾਂ ਧਾਤਾਂ ਦੇ ਭਾਅ ਡਿੱਗੇ

24/09/2026 | Public Times Bureau | Panjab

ਸੋਨੇ ਅਤੇ ਚਾਂਦੀ ਦੀਆਂ ਕੀਮਤਾਂ ਵਿੱਚ ਉਤਰਾਅ-ਚੜ੍ਹਾਅ ਜਾਰੀ ਹੈ। ਵੀਰਵਾਰ, 24 ਸਤੰਬਰ ਨੂੰ ਕੌਮਾਂਤਰੀ ਬਾਜ਼ਾਰ ਵਿੱਚ ਸੋਨੇ ਦੇ ਭਾਅ ਵਿੱਚ ਮਾਮੂਲੀ ਤੇਜ਼ੀ ਦਰਜ ਕੀਤੀ ਗਈ, ਜਦਕਿ ਚਾਂਦੀ ਦੀ ਕੀਮਤ ਵਿੱਚ ਗਿਰਾਵਟ ਆਈ। ਘਰੇਲੂ ਬਾਜ਼ਾਰ ਵਿੱਚ ਇਸ ਦੇ ਉਲਟ ਦੋਵਾਂ ਧਾਤਾਂ ਦੇ ਭਾਅ ਹੇਠਾਂ ਆਏ। ਕਾਮੈਕਸ ’ਤੇ ਸੋਨਾ 0.10 ਫ਼ੀਸਦੀ ਵਧ ਕੇ 4,322.60 ਡਾਲਰ ਪ੍ਰਤੀ ਔਂਸ ’ਤੇ ਪਹੁੰਚ ਗਿਆ। ਇਸ ਦੇ ਮੁਕਾਬਲੇ ਚਾਂਦੀ 0.68 ਫ਼ੀਸਦੀ ਡਿੱਗ ਕੇ 64.520 ਡਾਲਰ ਪ੍ਰਤੀ ਔਂਸ ’ਤੇ ਕਾਰੋਬਾਰ ਕਰਦੀ ਰਹੀ। ਘਰੇਲੂ ਬਾਜ਼ਾਰ ਵਿੱਚ MCX ’ਤੇ ਅਕਤੂਬਰ ਡਿਲਿਵਰੀ ਵਾਲਾ ਸੋਨਾ 349 ਰੁਪਏ ਦੀ ਗਿਰਾਵਟ ਨਾਲ 1,51,170 ਰੁਪਏ ਪ੍ਰਤੀ 10 ਗ੍ਰਾਮ ’ਤੇ ਆ ਗਿਆ। ਚਾਂਦੀ ਦੀ ਕੀਮਤ ਵਿੱਚ 1,200 ਰੁਪਏ ਦੀ ਕਮੀ ਦਰਜ ਕੀਤੀ ਗਈ ਅਤੇ ਇਹ 2,34,716 ਰੁਪਏ ਪ੍ਰਤੀ ਕਿਲੋਗ੍ਰਾਮ ’ਤੇ ਰਹੀ।

ਪ੍ਰਚੂਨ ਬਾਜ਼ਾਰ ਦੇ ਅਨੁਮਾਨ ਮੁਤਾਬਕ 24 ਕੈਰੇਟ ਸੋਨਾ ਲਗਭਗ 1,51,840 ਰੁਪਏ ਪ੍ਰਤੀ 10 ਗ੍ਰਾਮ, 22 ਕੈਰੇਟ 1,39,187 ਰੁਪਏ ਅਤੇ 18 ਕੈਰੇਟ ਸੋਨਾ ਕਰੀਬ 1,13,880 ਰੁਪਏ ਪ੍ਰਤੀ 10 ਗ੍ਰਾਮ ਦੇ ਪੱਧਰ ’ਤੇ ਰਿਹਾ। ਚਾਂਦੀ ਦੀ ਕੀਮਤ ਲਗਭਗ 2,34,550 ਰੁਪਏ ਪ੍ਰਤੀ ਕਿਲੋਗ੍ਰਾਮ ਦਰਜ ਕੀਤੀ ਗਈ। ਇਸ ਦੌਰਾਨ ਸੋਨੇ ਦੀਆਂ ਕੀਮਤਾਂ ਨੂੰ ਲੈ ਕੇ ਕਈ ਵੱਡੇ ਬੈਂਕਾਂ ਵੱਲੋਂ ਭਵਿੱਖ ਦੇ ਭਾਅ ਸਬੰਧੀ ਅਨੁਮਾਨ ਵੀ ਜਾਰੀ ਕੀਤੇ ਜਾ ਰਹੇ ਹਨ। ਹਾਲਾਂਕਿ ਕੀਮਤਾਂ ਵਿੱਚ ਲਗਾਤਾਰ ਉਤਰਾਅ-ਚੜ੍ਹਾਅ ਕਾਰਨ ਨਿਵੇਸ਼ਕਾਂ ਅਤੇ ਖਰੀਦਦਾਰਾਂ ਲਈ ਬਾਜ਼ਾਰ ਦੀ ਮੌਜੂਦਾ ਸਥਿਤੀ ’ਤੇ ਨਜ਼ਰ ਰੱਖਣਾ ਅਹਿਮ ਹੈ। ਵਰਲਡ ਗੋਲਡ ਕੌਂਸਲ ਮੁਤਾਬਕ ਸਤੰਬਰ ਵਿੱਚ ਭਾਰਤ ਵਿੱਚ ਸੋਨੇ ਦਾ ਕਾਰੋਬਾਰ ਕੌਮਾਂਤਰੀ ਬਾਜ਼ਾਰ ਦੇ ਮੁਕਾਬਲੇ ਹੇਠਲੇ ਪੱਧਰ ’ਤੇ ਰਿਹਾ। 11 ਸਤੰਬਰ ਤੱਕ ਭਾਰਤੀ ਬਾਜ਼ਾਰ ਵਿੱਚ ਇਹ ਅੰਤਰ 78 ਡਾਲਰ ਪ੍ਰਤੀ ਔਂਸ ਸੀ, ਜਦਕਿ ਜੁਲਾਈ ਵਿੱਚ ਇਹ 34 ਡਾਲਰ ਅਤੇ ਅਗਸਤ ਵਿੱਚ 51 ਡਾਲਰ ਸੀ।

Gold prices rise silver becomes cheaper prices of both metals fall on mcx