ਦਿਲ ਦੇ ਦੌਰੇ ਕਾਰਨ ਲਾੜੀ ਦੀ ਗੋਦ ’ਚ ਤੋੜਿਆ ਲਾੜੇ ਨੇ ਦਮ, ਫੇਰੇ ਹੋ ਗਏ ਸਨ; ਪਾਂਵ ਪਖਾਰਨੇ ਦੌਰਾਨ ਬੇਹੋਸ਼ ਹੋਇਆ ਲਾੜਾ

19/01/2025 | Public Times Bureau | National

ਮੱਧ ਪ੍ਰਦੇਸ਼ ਦੇ ਸਾਗਰ ਜ਼ਿਲ੍ਹੇ ’ਚ ਵਿਆਹ ਦੇ ਮੰਡਪ ’ਚ ਫੇਰੇ ਤੋਂ ਬਾਅਦ ਪਾਂਵ ਪਖਾਰਨੇ ਦੀ ਰਸਮ ਦੌਰਾਨ ਲਾੜੇ ਨੂੰ ਦਿਲ ਦਾ ਦੌਰਾ ਪਿਆ ਤੇ ਦੇਖਦਿਆਂ-ਦੇਖਦਿਆਂ ਉਸ ਨੇ ਲਾੜੀ ਦੀ ਗੋਦ ’ਚ ਦਮ ਤੋੜ ਦਿੱਤਾ। ਇਸ ਨਾਲ ਵਿਆਹ ਦੀਆਂ ਖੁਸ਼ੀਆਂ ਮਾਤਮ ’ਚ ਬਦਲ ਗਈਆਂ। ਮੌਤ ਤੋਂ ਕੁਝ ਦੇਰ ਪਹਿਲਾਂ ਹੀ ਲਾੜੇ ਨੇ ਬੇਚੈਨੀ ਦੀ ਗੱਲ ਕਹੀ ਸੀ ਪਰ ਪੂਰੀ ਰਾਤ ਜਾਗਣ ਦੀ ਵਜ੍ਹਾ ਨਾਲ ਇਸ ਨੂੰ ਥਕਾਵਟ ਮੰਨ ਕੇ ਪਰਿਵਾਰਕ ਮੈਂਬਰਾਂ ਨੇ ਅਣਦੇਖਾ ਕਰ ਦਿੱਤਾ ਸੀ।

ਗੋਪਾਲਗੰਜ ਥਾਣਾ ਖੇਤਰ ਦੇ ਤਿਲੀ ਸਥਿਤ ਮਾਨਸਰੋਵਰ ਮੈਰਿਜ ਗਾਰਡਨ ’ਚ 28 ਸਾਲਾਂ ਦੇ ਹਰਸ਼ਿਤ ਚੌਬੇ ਨੂੰ ਵਿਆਹੁਣ ਦੇਰ ਸ਼ਾਮ ਬਾਰਾਤ ਧੂਮ-ਧੜੱਕੇ ਨਾਲ ਪੁੱਜੀ ਸੀ। ਕੁੜੀ ਵਾਲਿਆਂ ਨੇ ਬੈਂਡ-ਵਾਜਿਆਂ ਨਾਲ ਬਰਾਤੀਆਂ ਦਾ ਜ਼ੋਰਦਾਰ ਸਵਾਗਤ ਕੀਤਾ। ਵਰਮਾਲਾ ਦੀ ਰਸਮ ਹੋਈ। ਕਰੀਬ ਦੋ ਘੰਟੇ ਤੱਕ ਮੰਚ ’ਤੇ ਫੋਟੋ ਸੈਸ਼ਨ ਚੱਲਿਆ। ਇਸ ਤੋਂ ਬਾਅਦ ਪੂਰੀ ਰਾਤ ਮੰਡਪ ’ਚ ਵਿਆਹ ਦੀਆਂ ਸਾਰੀਆਂ ਮੁੱਖ ਰਸਮਾਂ ਨਿਭਾਈਆਂ ਗਈਆਂ। ਸ਼ਨਿਚਰਵਾਰ ਸਵੇਰੇ ਲਗਪਗ ਛੇ ਵਜੇ ਫੇਰਿਆਂ ਤੋਂ ਬਾਅਦ ਲਾੜੇ-ਲਾੜੀ ਦੇ ਪਾਂਵ ਪਖਾਰਨੇ ਦੀ ਰਸਮ ਚੱਲ ਰਹੀ ਸੀ। ਇਸ ਦੌਰਾਨ ਅਚਾਨਕ ਹਰਸ਼ਿਤ ਦੇ ਸੀਨੇ ’ਚ ਦਰਦ ਹੋਇਆ ਤੇ ਉਹ ਨੇੜੇ ਬੈਠੀ ਲਾੜੀ ਦੀ ਗੋਦ ’ਚ ਸਿਰ ਰੱਖ ਕੇ ਬੇਹੋਸ਼ ਹੋ ਗਿਆ। ਇਹ ਦੇਖ ਮੰਡਪ ’ਚ ਭਾਜੜ ਮਚ ਗਈ। ਲਾੜੇ ਨੂੰ ਬੁੰਦੇਲਖੰਡ ਮੈਡੀਕਲ ਕਾਲਜ ਲਿਜਾਇਆ ਗਿਆ, ਜਿਥੇ ਡਾਕਟਰਾਂ ਨੇ ਉਸ ਨੂੰ ਮਿ੍ਰਤਕ ਐਲਾਨ ਦਿੱਤਾ। ਸ਼ਨਿਚਰਵਾਰ ਦੁਪਹਿਰ ਲਾੜੇ ਦਾ ਸਸਕਾਰ ਕਰ ਦਿੱਤਾ ਗਿਆ।

The Groom Collapsed In The Bride s Lap Due To A Heart Attack The Bridegroom Fainted During Panv Pakharna