ਦਿੱਲੀ ਦੇ ਬਿਜ਼ਨੈੱਸਮੈਨ ਨੇ ਕਿਉਂ ਕੀਤੀ ਖੁਦਕੁਸ਼ੀ? ਪੁਨੀਤ ਤੇ ਸਹੁਰੇ ਨਾਲ ਝਗੜੇ ਦੀ ਵੀਡੀਓ ਵਾਇਰਲ

02/01/2025 | Public Times Bureau | National

ਦਿੱਲੀ ਵਿੱਚ ਇੱਕ ਵਪਾਰੀ ਨੇ ਖੁਦਕੁਸ਼ੀ ਕਰ ਲਈ। ਉਸ ਨੇ ਕਥਿਤ ਤੌਰ 'ਤੇ ਆਪਣੀ ਪਤਨੀ ਤੋਂ ਚੱਲ ਰਹੇ ਤਲਾਕ ਦੇ ਮਾਮਲੇ ਵਿਚ ਖੁਦਕੁਸ਼ੀ ਦਾ ਭਿਆਨਕ ਕਦਮ ਚੁੱਕਿਆ। ਇਸ ਸਭ ਦੇ ਵਿਚਕਾਰ ਸੋਸ਼ਲ ਮੀਡੀਆ 'ਤੇ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਹੈ।ਵੀਡੀਓ 'ਚ ਪੁਨੀਤ ਤੇ ਉਸ ਦਾ ਸਹੁਰਾ ਜਗਦੀਸ਼ ਪਾਵਾ ਗੱਲਬਾਤ ਕਰਦੇ ਨਜ਼ਰ ਆ ਰਹੇ ਹਨ। ਵੀਡੀਓ 'ਚ ਕਿਹਾ ਜਾ ਰਿਹਾ ਹੈ ਕਿ ਘਰ ਦੇ ਬਦਲੇ 2 ਕਰੋੜ ਰੁਪਏ ਦਿੱਤੇ ਜਾਣਗੇ ਪਰ ਬਾਅਦ 'ਚ ਸਹੁਰਾ ਆਪਣੀ ਗੱਲ ਤੋਂ ਪਿੱਛੇ ਹਟ ਗਿਆ। ਪੁਲਿਸ ਕੋਲ ਕੁਝ ਆਡੀਓਜ਼ ਵੀ ਹਨ, ਜਿਨ੍ਹਾਂ ਵਿੱਚ ਸਹੁਰਾ ਆਪਣੀ ਗੱਲ ਤੋਂ ਇਨਕਾਰ ਕਰ ਰਿਹਾ ਹੈ। ਪੁਨੀਤ ਦੇ ਪਰਿਵਾਰਕ ਮੈਂਬਰਾਂ ਦਾ ਕਹਿਣਾ ਹੈ ਕਿ ਇਹ ਘਰ ਪੁਨੀਤ ਦੀ ਪਤਨੀ ਮਨਿਕਾ ਦੇ ਨਾਂ 'ਤੇ ਹੈ।

ਵੀਡੀਓ 12 ਅਕਤੂਬਰ 2023 ਦੀ ਹੈ। ਪੀੜਤ ਪਰਿਵਾਰ ਮੁਤਾਬਕ ਪੁਨੀਤ ਇਨ੍ਹਾਂ ਗੱਲਾਂ ਕਾਰਨ ਦਬਾਅ ਵਿੱਚ ਸੀ। ਪੁਨੀਤ ਦਾ ਸਹੁਰਾ ਇਸ ਤਰ੍ਹਾਂ ਦੀਆਂ ਧਮਕੀਆਂ ਦਿੰਦਾ ਸੀ ਅਤੇ ਬਾਅਦ 'ਚ ਆਪਣੇ ਵਾਅਦਿਆਂ ਤੋਂ ਮੁੱਕਰ ਜਾਂਦਾ ਸੀ। ਪੀੜਤ ਪਰਿਵਾਰ ਮੁਤਾਬਕ ਅਜਿਹੇ ਕਈ ਵੀਡੀਓ ਪੁਲਿਸ ਨੂੰ ਸਬੂਤ ਵਜੋਂ ਦਿੱਤੇ ਗਏ ਹਨ। ਪੁਨੀਤ ਖੁਰਾਣਾ ਦਾ ਅੱਜ ਪੋਸਟ ਮਾਰਟਮ ਹੋ ਰਿਹਾ ਹੈ। ਪੋਸਟ ਮਾਰਟਮ ਦੀ ਵੀਡੀਓ ਰਿਕਾਰਡਿੰਗ ਕੀਤੀ ਜਾ ਰਹੀ ਹੈ। ਇਸ ਮਾਮਲੇ ਵਿੱਚ ਅਜੇ ਤੱਕ ਐਫਆਈਆਰ ਦਰਜ ਨਹੀਂ ਕੀਤੀ ਗਈ ਹੈ। ਪੁਲਿਸ ਦਾ ਕਹਿਣਾ ਹੈ ਕਿ ਪੋਸਟ ਮਾਰਟਮ ਦੀ ਰਿਪੋਰਟ, ਲੋਕਾਂ ਦੇ ਬਿਆਨਾਂ ਅਤੇ ਜੋ ਸਬੂਤ ਸਾਹਮਣੇ ਆਉਣਗੇ, ਉਸ ਦੇ ਆਧਾਰ 'ਤੇ ਕਾਰਵਾਈ ਕੀਤੀ ਜਾਵੇਗੀ।

Why Delhi Businessman Committed Suicide The Video Of Puneet And Father in law s Fight Goes Viral