ਮਾਂ ਵੱਲੋਂ ਪੁੱਤ ਤੇ ਨੂੰਹ ਦੀ ਗੋਲੀ ਮਾਰ ਕੇ ਹੱਤਿਆ, 10 ਮਹੀਨੇ ਪਹਿਲਾਂ ਹੀ ਹੋਇਆ ਸੀ ਵਿਆਹ...

01/11/2024 | Public Times Bureau | National

ਕਰੌਲੀ ਜ਼ਿਲ੍ਹੇ (ਰਾਜਸਥਾਨ) ਦੇ ਮਾਸਲਪੁਰ ਥਾਣਾ ਖੇਤਰ ਦੇ ਭੋਜਪੁਰ ਪਿੰਡ ਨੇੜੇ ਪਤੀ-ਪਤਨੀ ਨੂੰ ਗੋਲੀਆਂ ਮਾਰਨ ਦੇ ਮਾਮਲੇ ਵਿਚ ਪੁਲਿਸ ਨੇ ਵੱਡਾ ਖੁਲਾਸਾ ਕੀਤਾ ਹੈ। ਇਸ ਜੋੜੇ ਦਾ ਕਤਲ ਇਨ੍ਹਾਂ ਦੀ ਮਾਂ ਅਤੇ ਉਸ ਦੇ ਮਾਮੇ ਨੇ ਕੀਤਾ ਸੀ। ਆਪਣੀ ਸਮਾਜਿਕ ਇੱਜ਼ਤ ਬਚਾਉਣ ਦੇ ਨਾਂ ਉਤੇ ਮਾਂ ਨੇ ਆਪਣੇ ਭਰਾ ਨਾਲ ਮਿਲ ਕੇ ਆਪਣੇ ਹੀ ਪੁੱਤਰ ਅਤੇ ਨੂੰਹ ਦਾ ਕਤਲ ਕਰ ਦਿੱਤਾ। ਪੁਲਿਸ ਨੇ 24 ਘੰਟਿਆਂ ਤੋਂ ਵੀ ਘੱਟ ਸਮੇਂ ‘ਚ ਇਸ ਘਟਨਾ ਦਾ ਖੁਲਾਸਾ ਕਰਦੇ ਹੋਏ ਮ੍ਰਿਤਕ ਨੌਜਵਾਨ ਵਿਕਾਸ ਦੀ ਮਾਂ, ਉਸ ਦੇ ਮਾਮਾ ਅਤੇ ਮਾਮੇ ਦੇ ਨੌਕਰ ਸਮੇਤ ਤਿੰਨ ਲੋਕਾਂ ਨੂੰ ਗ੍ਰਿਫਤਾਰ ਕਰ ਲਿਆ ਹੈ।

ਮਾਂ ਨੇ ਆਪਣੇ ਬੇਟੇ ਅਤੇ ਨੂੰਹ ਦੇ ਵੱਖ-ਵੱਖ ਥਾਵਾਂ ਉਤੇ ਕਿਸੇ ਹੋਰ ਨਾਲ ਨਜਾਇਜ਼ ਸਬੰਧਾਂ ਦੇ ਜਨਤਕ ਹੋਣ ਕਾਰਨ ਆਪਣੀ ਸਮਾਜਿਕ ਸਾਖ ਬਚਣ ਲਈ ਇਹ ਕਤਲ ਕੀਤਾ ਸੀ। ਪੁਲਿਸ ਮੁਲਜ਼ਮਾਂ ਤੋਂ ਪੁੱਛਗਿੱਛ ਕਰਨ ਦੇ ਨਾਲ-ਨਾਲ ਵਾਰਦਾਤ ‘ਚ ਵਰਤੇ ਗਏ ਹਥਿਆਰਾਂ ਦੀ ਬਰਾਮਦਗੀ ਲਈ ਵੀ ਯਤਨ ਕਰ ਰਹੀ ਹੈ। ਕਰੌਲੀ ਦੇ ਐਸਪੀ ਬ੍ਰਿਜੇਸ਼ ਜੋਤੀ ਉਪਾਧਿਆਏ ਨੇ ਦੱਸਿਆ ਕਿ ਆਗਰਾ ਦੀ ਕਿਰਵਾਲੀ ਤਹਿਸੀਲ ਦੇ ਸਾਂਥਾ ਪਿੰਡ ਵਾਸੀ ਵਿਕਾਸ (23) ਅਤੇ ਉਸ ਦੀ ਪਤਨੀ ਦੀਕਸ਼ਾ (18) ਦੀ ਮਾਸਲਪੁਰ ਥਾਣਾ ਖੇਤਰ ਦੇ ਭੋਜਪੁਰ ਪਿੰਡ ਨੇੜੇ ਆਗਰਾ ਰੋਡ ‘ਤੇ ਮੰਗਲਵਾਰ ਰਾਤ ਨੂੰ ਗੋਲੀ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ। ਦੋਵਾਂ ਨੂੰ ਤਿੰਨ ਗੋਲੀਆਂ ਲੱਗੀਆਂ। ਮ੍ਰਿਤਕਾਂ ਦੀਆਂ ਲਾਸ਼ਾਂ ਬੁੱਧਵਾਰ ਸਵੇਰੇ ਸੜਕ ਕਿਨਾਰੇ ਖੜ੍ਹੀ ਕਾਰ ‘ਚ ਪਈਆਂ ਮਿਲੀਆਂ। ਸੂਚਨਾ ਮਿਲਣ ਉਤੇ ਪੁਲਿਸ ਮੌਕੇ ‘ਤੇ ਪਹੁੰਚ ਗਈ। ਪੁਲਿਸ ਨੇ ਮੌਕੇ ਦੇ ਹਾਲਾਤਾਂ ਨੂੰ ਦੇਖਦੇ ਹੋਏ ਇਸ ਨੂੰ ਅੰਨ੍ਹਾ ਕਤਲ ਮੰਨਦਿਆਂ ਇਸ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।

ਜਾਂਚ ਤੋਂ ਪਤਾ ਲੱਗਾ ਕਿ ਵਿਕਾਸ ਅਤੇ ਦੀਕਸ਼ਾ ਕੈਲਾ ਦੇਵੀ ਦੇ ਦਰਸ਼ਨ ਕਰਕੇ ਵਾਪਸ ਆ ਰਹੇ ਸਨ। ਪੁਲਿਸ ਨੇ ਜਦੋਂ ਕੈਲਾ ਦੇਵੀ ਦੇ ਸਾਰੇ ਸੀਸੀਟੀਵੀ ਕੈਮਰੇ ਚੈੱਕ ਕੀਤੇ ਤਾਂ ਵਿਕਾਸ ਅਤੇ ਦੀਕਸ਼ਾ ਦੇ ਨਾਲ ਇੱਕ ਹੋਰ ਨੌਜਵਾਨ ਵੀ ਨਜ਼ਰ ਆਇਆ। ਨੌਜਵਾਨ ਦੀ ਪਛਾਣ ਚਮਨ ਖਾਨ ਵਾਸੀ ਪਿੰਡ ਇੰਟਕੀ, ਕੋਲਾਰੀ ਥਾਣਾ ਵਜੋਂ ਹੋਈ ਹੈ। ਇਸ ਤੋਂ ਬਾਅਦ ਪੁਲਿਸ ਨੇ ਚਾਰ ਟੀਮਾਂ ਬਣਾ ਕੇ ਕਰੌਲੀ, ਧੌਲਪੁਰ ਅਤੇ ਆਗਰਾ ਸਮੇਤ ਕਈ ਥਾਵਾਂ ‘ਤੇ ਛਾਪੇਮਾਰੀ ਕੀਤੀ। 200 ਤੋਂ 250 ਤੋਂ ਵੱਧ ਸੀਸੀਟੀਵੀ ਕੈਮਰਿਆਂ ਦੀ ਫੁਟੇਜ ਦੀ ਜਾਂਚ ਕੀਤੀ। ਬਾਅਦ ਵਿੱਚ ਮਾਮਲੇ ਦੀਆਂ ਕੜੀਆਂ ਜੋੜ ਕੇ ਕਤਲ ਦਾ ਖੁਲਾਸਾ ਹੋਇਆ।

Mother Shot And Killed Son And Daughter in law Marriage Took Place 10 Months Ago


About Us


Our endeavour at The Public Times is to present news as it unfolds, without biases and without colour. We are a dedicated team of journalists with long years of experience in various fields and our aim is to inform our readers about all major regional, national and international events 24/7. Our motto is news without frills.

Amarpreet Singh Makkar (Editor)

Subscribe Us


Address


The Public Times
Ludhiana. 141001
Mobile: +91 9815102122 Email: thepublictimes.news@gmail.com
WhatsApp Us Whats App