RG Kar Hospital ’ਚ ਮੰਗਵਾਈਆਂ ਜਾਂਦੀਆਂ ਸੀ ਘਟੀਆ ਦਵਾਈਆਂ,ਡਾ. ਘੋਸ਼ ਖ਼ਿਲਾਫ਼ ਭ੍ਰਿਸ਼ਟਾਚਾਰ ਮਾਮਲੇ ਦੀ ਕਰ ਰਹੀ ਹੈ ਜਾਂਚ

22/09/2024 | Public Times Bureau | National

ਆਰਜੀ ਕਰ ਮੈਡੀਕਲ ਕਾਲਜ ਤੇ ਹਸਪਤਾਲ ਦੇ ਕੁਝ ਜੂਨੀਅਰ ਡਾਕਟਰਾਂ ਦਾ ਦੋਸ਼ ਹੈ ਕਿ ਹਸਪਤਾਲ ਦੇ ਸਾਬਕਾ ਪ੍ਰਿੰਸੀਪਲ ਡਾ. ਸੰਦੀਪ ਘੋਸ਼ ਦੇ ਕਾਰਜਕਾਲ ’ਚ ਹੇਠਲੇ ਪੱਧਰ ਦੀਆਂ ਦਵਾਈਆਂ ਮੰਗਵਾਈਆਂ ਜਾਂਦੀਆਂ ਸਨ। ਇਸ ਰਾਹੀਂ ਕਰੋੜਾਂ ਦੀ ਕਮਾਈ ਕੀਤੀ ਜਾਂਦੀ ਸੀ। ਹੇਠਲੀ ਗੁਣਵੱਤਾ ਦੀਆਂ ਐਂਟੀ-ਬਾਇਓਟਿਕ ਦਵਾਈਆਂ ਦੇ ਕੰਮ ਨਾ ਕਰਨ ਕਾਰਨ ਹੀ ਸਫਲ ਆਪ੍ਰੇਸ਼ਨ ਤੋਂ ਬਾਅਦ ਕਈ ਮਰੀਜ਼ਾਂ ਦੀ ਮੌਤਾਂ ਵੀ ਹੋ ਚੁੱਕੀਆਂ ਹਨ। ਡਾ. ਸੰਦੀਪ ਨੂੰ ਸ਼ਿਕਾਇਤ ਕਰਨ ’ਤੇ ਪ੍ਰੀਖਿਆ ’ਚ ਫੇਲ੍ਹ ਕਰਨ ਦੀ ਧਮਕੀ ਦਿੱਤੀ ਜਾਂਦੀ ਸੀ। ਫੋਨ ’ਤੇ ਮੂੰਹ ਖੋਲ੍ਹਣ ’ਤੇ ਜਾਨੋਂ ਮਾਰਨ ਦੀਆਂ ਧਮਕੀਆਂ ਦਿੱਤੀਆਂ ਜਾਂਦੀਆਂ ਸਨ। ਜੂਨੀਅਰ ਡਾਕਟਰਾਂ ਨੇ ਕਿਹਾ ਕਿ ਸਿਹਤ ਵਿਭਾਗ ਨੂੰ ਸ਼ਿਕਾਇਤ ਕਰਨ ’ਤੇ ਵੀ ਕੋਈ ਫਾਇਦਾ ਨਹੀਂ ਹੋਇਆ। ਦੂਜੇ ਪਾਸੇ, ਸਿਹਤ ਸਕੱਤਰ ਨਾਰਾਇਣ ਸਵਰੂਪ ਨਿਗਮ ਨੇ ਕਿਹਾ ਹੈ ਕਿ ਜਦੋਂ ਵੀ ਇਸ ਤਰ੍ਹਾਂ ਦੀਆਂ ਸ਼ਿਕਾਇਤਾਂ ਮਿਲੀਆਂ ਹਨ, ਸਬੰਧਤ ਦਵਾਈਆਂ ਦੀ ਜਾਂਚ ਕਰਵਾਈ ਗਈ ਹੈ।

    ਕੋਈ ਗ਼ਲਤ ਰਿਪੋਰਟ ਨਹੀਂ ਮਿਲੀ। ਦੱਸ ਦੇਈਏ ਕਿ ਸੀਬੀਆਈ ਤੇ ਈਡੀ ਸੰਦੀਪ ਘੋਸ਼ ਦੇ ਖ਼ਿਲਾਫ਼ ਹਸਪਤਾਲ ’ਚ ਵਿੱਤੀ ਭ੍ਰਿਸ਼ਟਾਚਾਰ ਦੇ ਮਾਮਲੇ ਦੀ ਜਾਂਚ ਕਰ ਰਹੇ ਹਨ। ਇਨ੍ਹਾਂ ’ਚ ਟੈਂਡਰਾਂ ’ਚ ਪੱਖਪਾਤ, ਵਿਦਿਆਰਥੀਆਂ ਤੋਂ ਰਿਸ਼ਵਤ ਲੈਣ ਵਰਗੇ ਦੋਸ਼ ਸ਼ਾਮਲ ਹਨ।ਸੀਬੀਆਈ ਦੇ ਸੂਤਰਾਂ ਨੇ ਦੱਸਿਆ ਕਿ ਡਾ. ਘੋਸ਼ ਦੇ ਘਰ ਦੀ ਤਲਾਸ਼ੀ ਦੌਰਾਨ ਆਰਟੀਆਈ ਤੇ ਦੋਸ਼ ਪੱਤਰ ਦੀ 288 ਸਫ਼ਿਆਂ ਦੀ ਕਾਪੀ ਮਿਲੀ ਹੈ। 730 ਸਫ਼ਿਆਂ ਦੇ ਟੈਂਡਰ ਦਸਤਾਵੇਜ਼ ਵੀ ਮਿਲੇ ਹਨ। ਸੰਦੀਪ ਖ਼ਿਲਾਫ਼ ਭ੍ਰਿਸ਼ਟਾਚਾਰ ਦੇ ਮਾਮਲੇ ’ਚ ਸਰਕਾਰ ਵੱਲੋਂ ਗਠਿਤ ਜਾਂਚ ਕਮੇਟੀ ਦੀ 510 ਸਫ਼ਿਆਂ ਦੀ ਗੁਪਤ ਰਿਪੋਰਟ ਵੀ ਮਿਲੀ ਹੈ। ਇਹ ਦਸਤਾਵੇਜ਼ ਸੰਦੀਪ ਦੇ ਘਰ ਕਿਵੇਂ ਪੁੱਜੇ, ਸੀਬੀਆਈ ਇਸਦੀ ਜਾਂਚ ਕਰ ਰਹੀ ਹੈ। ਸੰਦੀਪ ਨੇ ਸਰਕਾਰੀ ਈ-ਟੈਂਡਰ ਦੇ ਸਬੰਧ ’ਚ ਟਾਲਾ ਥਾਣੇ ਦੇ ਸਾਬਕਾ ਇੰਚਾਰਜ ਅਭਿਜੀਤ ਮੰਡਲ ਨੂੰ ਪੱਤਰ ਭੇਜਿਆ ਸੀ। ਸੀਬੀਆਈ ਇਹ ਪਤਾ ਲਾਉਣ ਦੀ ਵੀ ਕੋਸ਼ਿਸ਼ ਕਰ ਰਹੀ ਹੈ ਕਿ ਮੰਡਲ ਨੂੰ ਈ-ਟੈਂਡਰ ਪੱਤਰ ਕਿਉਂ ਦਿੱਤਾ ਗਿਆ ਸੀ।

ਸੰਦੀਪ ਦੇ ਨੇੜਲੇ ਮੁਅੱਤਲ ਜੂਨੀਅਰ ਡਾਕਟਰ ਅਭਿਕ ਦੇ ਤੇ ਉਸਦੇ ਸਾਥੀ ਜੂਨੀਅਰ ਡਾਕਟਰਾਂ ਵਿਸ਼ਾਲ ਸਰਕਾਰ ਤੇ ਉਮਰ ਫਾਰੂਖ ’ਤੇ ਬਰਧਮਾਨ ਮੈਡੀਕਲ ਕਾਲਜ ਤੇ ਹਸਪਤਾਲ ਦੇ ਗੈਸਟ ਹਾਊਸ ’ਚ ਪੂਰੀ ਰਾਤ ਸ਼ਰਾਬ ਪਾਰਟੀ ਕਰਨ ਦਾ ਦੋਸ਼ ਲੱਗਾ ਹੈ। ਉਥੇ ਪਹਿਲੇ ਤੇ ਦੂਜੇ ਸਾਲ ਦੀਆਂ ਵਿਦਿਆਰਥਣਾਂ ਨੂੰ ਡਰਾ-ਧਮਕਾ ਕੇ ਹੋਸਟਲ ਤੋਂ ਬੁਲਾ ਕੇ ਖਾਣਾ ਤੇ ਸ਼ਰਾਬ ਪਰੋਸਣ ਲਈ ਕਿਹਾ ਜਾਂਦਾ ਸੀ। ਪਾਰਟੀ ’ਚ ਸ਼ਾਮਲ ਨਾ ਹੋਣ ’ਤੇ ਪ੍ਰੀਖਿਆ ’ਚ ਫੇਲ੍ਹ ਕਰਨ ਦੀ ਧਮਕੀ ਦਿੱਤੀ ਜਾਂਦੀ ਸੀ। ਜੂਨੀਅਰ ਡਾਕਟਰਾਂ ਨੇ ਲਿਖਤੀ ਸ਼ਿਕਾਇਤ ਸਿਹਤ ਵਿਭਾਗ ਦੀ ਚਾਰ ਮੈਂਬਰੀ ਕਮੇਟੀ ਨੂੰ ਕੀਤੀ ਹੈ। ਬਰਧਮਾਨ ਮੈਡੀਕਲ ਕਾਲਜ ਦੇ ਇਕ ਡਾਕਟਰ ਨੇ ਦੱਸਿਆ ਕਿ ਅਭਿਕ ਦੀ ਗੱਲ ਨਾ ਮੰਨਣ ’ਤੇ ਉਨ੍ਹਾਂ ਨੂੰ ਹਰ ਵਾਰ ਫੇਲ੍ਹ ਕਰ ਦਿੱਤਾ ਜਾਂਦਾ ਸੀ। ਉਦੋਂ ਉਨ੍ਹਾਂ ਖ਼ੁਦਕੁਸ਼ੀ ਦੀ ਵੀ ਕੋਸ਼ਿਸ਼ ਕੀਤੀ ਸੀ। ਸ਼ਨਿੱਚਰਵਾਰ ਨੂੰ ਸੀਬੀਆਈ ਦੇ ਜੂਨੀਅਰ ਡਾਕਟਰਾਂ ਨੂੰ ਧਮਕੀ ਦੇਣ ਦੇ ਮਾਮਲੇ ’ਚ ਅਭਿਕ ਦੇ ਤੇ ਸੰਦੀਪ ਘੋਸ਼ ਦੇ ਇਕ ਹੋਰ ਨੇੜਲੇ ਬਿਰੂਪਾਕਸ਼ ਬਿਸ਼ਵਾਸ ਤੋਂ ਪੁੱਛਗਿੱਛ ਕੀਤੀ ਹੈ। ਦੋਸ਼ ਹੈ ਕਿ ਹਸਪਤਾਲ ਦੇ ਮੁਰਦਾਘਰ ਤੋਂ ਲਾਸ਼ਾਂ ਦੇ ਅੰਗਾਂ ਦੀ ਤਸਕਰੀ ਪਿੱਛੇ ਅਭਿਕ ਤੇ ਉਸਦੇ ਸਾਥੀਆਂ ਦਾ ਹੱਥ ਹੈ।


Rg Kar Hospital Used To Order Inferior Medicines Dr The Corruption Case Against Ghosh Is Being Investigated


About Us


Our endeavour at The Public Times is to present news as it unfolds, without biases and without colour. We are a dedicated team of journalists with long years of experience in various fields and our aim is to inform our readers about all major regional, national and international events 24/7. Our motto is news without frills.

Amarpreet Singh Makkar (Editor)

Subscribe Us


Address


The Public Times
Ludhiana. 141001
Mobile: +91 9815102122 Email: thepublictimes.news@gmail.com
WhatsApp Us Whats App